Evo kako su glasila pravila ponašanja u Hrvatskoj 1883. godine
Koliko puta ste od starijih čuli da su u njihovo vrijeme ljudi bili pristojniji? Osnovna pravila ponašanja nekad su se zapisivala i crno na bijelo, kako bi svi znali što je lijepo ponašanje. Evo kako je to izgledalo daleke 1883. godine.
REGULE ZA LEPO PONAŠATI SE
Hodeč z rukami se ne dopušča lamatati,
niti sedeč z nogami zvoniti.
Pri stolu ni lepo s persti bubnjati, zubmi
škripati ili zevajuč kakti vuk zavijati, a
niti kak prostak s celim se telom rastezati.
Ak se hoče kašljati ili kehnuti, pošteno je
gobec na stran obernuti i z ropcem ga pokriti.
Ak negdo hoče hračkati ili se seknuti naj
se z ropcem pokrije, na stran oberne i
dok se sekne naj ne tuli kak vol.
Pri stolu ruke i zubi trebaju biti čisti, a ak
je kaj od jela med zubmi ostalo, gerdo
je videti če se to z nožom, vilicom, a još
menše z persti vun trebi.
Vu društvu nokte obrezivati, ali pak
ogrizavati ni lepo videti, a hudo je i
odurno po nosu z persti dupsti i po
njemu črve iskati.
Če se z nekim spominaš, ni lepo pajdašu z
persti pred nosom mahati, natreskavat
ga z laktom vu rebra drukati i za ancug
ga natezati.
Gusto krat i hudo na glas smejati se ni
lepo, a ni spametno, a još manje smejuć
se drugom svoje šćerbe kazati.
Ak pri stolu nešći spelava norije na lucki
račun, vsaku šalu treba prijeti na svoj račun.
Pri stolu takaj ni lepo povedati odurni
vic, a još menše je spametno delati
komedije na domaću političku temu, kaj
ti se lehke radi toga more dojti vu rešt.
Pri stolu se hlačnjek ne popravla a niti se
kapči šlic. Takaj se niti gaće za dretu
(svitnjak) ne natežeju, a isto tak se ne
čoha po jajci i drugi meštriji bez hude sile.
Pri stolu se ne loviju buhe, vuši ili kaj
takega drugega puzećega gada i smrada.
Če se kaj takvega na drugome vidi,
nego kak se najtiše more z ancuga ili z
las se zeme, med persti zdrobi i da nišče
drugi to ne čuti pod stol hiti.
Ak se na jelo dugo čeka, ni lepo zubmi
škripati i pridivati.
Če je juha kipuća, ni lepo vleči vu se i
srkati kak da se čuje struganje
kravskega vagira ili kotača na zdencu.
Ak se vu posudi najde kakav smrad ili
bilo kaj odurnoga, to se s prsti zvadi po
skrivečki. Če se na jeziku najde, pljuje
se van, a gubec se pokrije i na stran obrne.
Če je negdo tak lakoten da vu čubu meče
kipuće jelo, ni lepo v ruku ili susedu na
ancug, nego treba na pod pod stol plunuti.
Smrdeče štrumfe ili obujke na nogah vu
fino društvo se ne nosiju. Takaj se
pezdenje dopušča samo med puno ljudi,
tak da se nemre čuti, ar se skrije vu
hižnom domaćem smradu.
Pri stolu je gerdo videti ak se kosti po
pesjem oglabaju ili hrustaju.
Isto tak je gerdo videti i čuti ak negdo
pri jelu kak prasica ze čubami cmokče.
Tuđu žensku ni lepo ni pristojno vu
društvu štipati, pri tancu stiskati, a
tvrdim stvarima žuglati i na zlo snubiti.
Isto tak se nesme tuđu babu pod stolom
kolenima smicati ili joj se oko gač z persti motati.
NIHIL OBSTAT
fecit Canonicus Marcus
de Varazdin
AD 1883.
Autor: CroExpress
